News

ब्रेकअप पछि नयाँ प्रेमीसँग रमाउँदै वर्षा …

कलाकारका फेसन, प्रेम र रोमान्सका गसिपले सधैँ चर्चा पाउने गर्छ । यसैक्रममा पछिल्लो समय फिल्म क्षेत्रमा चर्चाको विषय अभिनेत्री वर्षा सिवाकोटी र अभिनेता राज कटुवालको प्रेम सम्बन्ध भएको छ । दुवैले खुलेर प्रेम स्वीकार नगरे पनि उनीहरू प्रेममा रहेको कुरा भने लुक्न सकेको छैन ।

गत वर्ष एकसाथ होली मनाएपछि प्रेममा रहेको चर्चा चलेका यी दुवै मिडियामा भने आफूहरू राम्रो साथी रहेको बताएका छन् । तर सामाजिक सञ्जालमा उनीहरूको पोस्ट नियाल्ने हो भने दुवै बिच प्रेम रहेको अनुमान सजिलै गर्न सकिन्छ ।

कोरोनाको कारण केही अगाडि जारी निषेधाज्ञामा एक अर्कोसँग भेट्न नपाएपछि सामाजिक सञ्जाल मार्फत एक अर्काको प्रेम व्यक्त गरेका वर्षा र राज निषेधाज्ञा खुकुलो भएपछि भने दैनिक जसो एकसाथ देखिन थालेका छन् । गत मङ्गलबार स्नेहा आश्रममा एक व्यक्तिको बर्थ–डे मनाउन समेत उनीहरू साथ पुगेका थिए ।

सोही दिन वर्षाले इन्स्टास्टोरीमा राजसँगको एउटा तस्बिर शेयर गरेकी थिइन् । तस्बिरमा वर्षाले राजको छातीमा आफ्नो शिर राखेर खुसीको मुस्कान छाडेको देख्न सकिन्छ । जुन तस्बिरबाट पनि उनीहरू प्रेममा रहेको जो कोही ले अनुमान लगाउन सक्दछन् ।

खुला रूपमा प्रेम स्वीकार गर्न बाकी भएपनि यो जोडीले सामाजिक सञ्जालको माध्यमबाट भने प्रेम व्यक्त गरिरहेका छन् । केही अगाडि वर्षाले राजसँग भिडियो कलमा कुराकानी गर्दाको स्क्रिन सट इन्स्टामा राख्दै राजले आफूलाई सधैँ खुसी दिने प्रयास गरेको बताएकी थिइन् ।

अमेरिकामा बस्ने सविनजंग थापासँग ब्रेकअपपछि वर्षा राजसँग नजिकिएकी हुन् । अभिनेत्री पूजा शर्माको माध्यमबाट यी दुवै नजिकिएको बताइन्छ । अहिले दुवैले विवाह प्लानिङ गरेको फिल्म क्षेत्रमा चर्चा छ ।

Related Articles

Back to top button