लमजुङमा फेरि गयो भूकम्प, स्थानीय त्रसिद
काठमाडौं–लमजुङको मर्स्याङ्दी गाउँपालिकास्थित भुलभुले केन्द्रविन्दु बनाएर आज बिहान ५ दशमलव ८ रेक्टर स्केलको भूकम्पपछि पनि परकम्प जाने क्रम रोकिएको छैन ।
केहीबेर अघि पुनः भूकम्पको धक्का महसुस गरिएको स्थानीयले जनाएका छन् ।
चारभन्दा माथि रेक्टर स्केलका परकम्पमा बिहान ५ बजेर ४२ मिनेटमा ५.८, आठ बजेर १६ मिनेटमा ४, आठ बजेर १७ मिनेटमा ४.१ र ८ बजेर २६ बजेटमा ५.३ रेक्टर स्केललको भूकम्प गएको राष्ट्रिय भूकम्प मापन केन्द्रले जनाएको छ ।
जिल्लामा अझै भूकम्पको धक्का पटकपटक महशुस भइरहेको छ । यसअघि साँझ ७ बजेर ३ मिनेट र ७ बजेर २४ मिनेटमा समेत धक्का महशुस भएको थियो ।
भूकम्प पटकपटक जाँदा यहाँका वासिन्दा त्रासित बनेका छन् ।
उनीहरु कोरोना सङ्क्रमणको बेला समेत कोरोनाभन्दा भूकम्पको डरले बाहिर निस्किएका छन् । बाहिर निस्कदा भीडभाड समेत बढ्नुका साथै कोरोनाको जोखिम समेत बढेको छ ।
